寶寶牧場

今期電話費好貴 >.<"

janet50480 — Tue, 24 Jun 2008 11:21:00 +0800

今次瀨野喇....岩岩買左部新電話，好似話

上網工能幾好....咪拎黎上下網囉 =0="" 你

地知我公司 block 左 discuss 架嘛...返工時

痕拎黎上去睇下...點知 load 得勁慢, load 個

首頁都 load 成世咁, 如是者試過幾次都無乜

野睇到就 close 左喇.....點知今期電話費淨係

上網個費用就要成八百幾蚊 >_<"""" 我都唔

知原來上下都咁貴....仲要內容都未睇到就 close

喎....以後都唔敢用手機上網喇.....無咁多錢錢交

費呀....

生日周完滿結束

janet50480 — Wed, 07 May 2008 10:14:03 +0800

一年一度0既生日週又完結左喇~ 多謝各界朋友俾面支持~ ^0^

首先要多謝 G5 啦 (唔包 Kitty 媽 :P) 佢地係第一班同我慶祝0既

雖然食野地方不是太理想 (唔好意思....是我的錯) 好在大家都吃

得很開心 ^^ 我要仲要到兩隻羊仔禮物~ 多謝晒

第二班要多謝0既就係 DISCUSS 足球隊，仲有花姐、simon、dick

哥哥、19 同埋表妹~ 係我正日生日時去左船河 @@ 我都係第一次

生日有呢 d 活動咋，船河後仲有十幾人同我吃飯~ 好似 d 老人家擺

大壽咁~ hahaha

第三班要多謝0既就係偉偉佢地，多謝老豆請吃飯，多謝偉偉請糖水，

難得佢地記得我生日要同我慶祝，但有某人呢~ 明明約左八點半點知忽然間又話要去接唔知邊條女九點半先黎到 (地方已經就佢....去左大尾督)飯後話糖水個個到晒佢又玩失蹤 =_=" 可能佢車左條女兩個去吃糖水啦.......

最後要多謝0既就係有 send sms、msn 同埋 discuss 留言同我講生日快

0既人 ^0^ ~~~ 估唔到有咁多人記得我生日架~ @.@~ 呵呵~~

大尾篤 Luca

janet50480 — Thu, 10 Apr 2008 01:18:57 +0800

一早話約偉偉佢地去食飯結果約到今日先約到
晏晝接到偉偉電話話去大尾篤食 pizza
唔駛咁遠丫嘛...不過算啦...一次半次，放左工
就約埋 pk 仔搭火車去大埔等人接我地入去
去到大尾篤先發覺原來唔記得禁錢...
同左最錫我0既老豆講叫佢幫我俾住先
佢居然話請我喎~ 之後仲請埋我食糖水~ 真係多
謝晒呀佢仲好好咁同我講拆左佢架車個
咪錶以後都唔會見到佢架車會開到二百叫我安心
坐喎....回程佢送我回家都見到佢個錶指住 180
好在唔係市區開咁快0者....唔係一定嚇死

天氣熱又失眠

janet50480 — Wed, 09 Apr 2008 10:34:57 +0800

呢幾日都訓得唔好....唔知係天氣熱定心情唔好
晚晚都碌好耐先訓到覺....尋晚就更加耐
天氣太熱喇...我又懶得起身開冷氣 =0="""
今晚唔理...一回家就開冷氣先得，眼下會唔會
訓得好 d

First Aid 證書

janet50480 — Wed, 26 Mar 2008 20:19:53 +0800

等左好耐0既 first aid 證書終於到手喇~ hahaha~
補考合格

偷相~~小契女相相

janet50480 — Wed, 26 Mar 2008 09:50:57 +0800

hahaha~ 成日講 sugar 生左個囡囡成日都唔記
得 post 佢相相出黎添今日睇開佢個 blog
就順手偷埋佢張相過黎先

面仔圓圓眼仔大大~~ 唔好望後面隻飛毛腿~~

我第一個小契女呀~ 眼仔係咪好大呢~ @@
太過我對眼呀.......星期六見到佢要同佢鬥大
眼先得~

廣州之旅

janet50480 — Mon, 24 Mar 2008 16:52:28 +0800

一連兩日廣州之旅終於係前日結束玩好累咁回家回程時仲要係火車凍
親病左....兩日時間不定行街睇野睇野，掛住睇野都無留意食飯時間....
呢兩日每日都只係食左兩餐早餐同晚餐我地真係勁呀，廣州之
旅一到步就發生左趣事~就係問路記~原來廣州d 人好得意架你用普通問
佢路佢會用廣東話同你講 @@
第二件搞笑事就係打爆你個頭有個頭俾人打爆左呀

廣州之旅出發

廣州地鐵站~ 係咪好冷清呢

酒店房間

好好味0既~ 唔知咩骨

點解廣州 seven 會有呢 d 野買0既??

好豐富0既宵夜~ ^0^

呢個 bb　叫何紀紀呀～係咪好得意呢

廣州買的手信~ 呵

北角東寶

janet50480 — Mon, 10 Mar 2008 15:05:24 +0800

第一次去東寶是參加車網港島遊，都唔記得吃過乜野喇
今次再去有專人為我地點菜平時都好少會叫來吃的
我地0既晚餐有：大大隻瀨尿蝦 (好似四隻定五隻)，唔知咩
炒蝦，聖旨，一大碟咖喱魚頭, 醉乳鴿 & 分碲 (類似) 併盤，
辣酒花螺，花旗參唔知咩豬肺，狗仔鴨 (好似)，炒麵，荷葉飯.....

好似係咁上下啦，好好味...好耐無吃過咁大隻瀨尿蝦喇

小記

janet50480 — Tue, 04 Mar 2008 23:00:46 +0800

上星期四 2 月 28 日小契女出世喇，八磅半0既BB
母女都平安~ 呵~~ 星期六仲有緣見到佢一眼添
等 SUGAR 身體好 D 就上去探佢地

星期日見到個識左十年0既NET FD 原來好靚仔架
可惜淨係0係WEB CAM 見到佢個樣啦
如果見到佢真人仲開心，呢個係惟一一個NET FD
未約出黎見過，最衰佢話唔要我佢要我的話一定應
承呀

今晚又同左班 NET FD 去 TODAI 食 BUFFET 可能
食得太多次0既關係...開始覺得好悶食來食去都係哥
D 野，雖然水準都係差不多....食食下都係唔想食，
今次都叫食多左生蠔都吃左六七隻...平時我食四隻到
咋....唔知會唔會肚痾呢

California pizza kitchen

janet50480 — Sun, 02 Mar 2008 22:54:47 +0800

今日約左偉偉同 pk 仔去吃飯，對上一次見佢地都係
十一月0既事喇，我又忙佢地又忙咁好難先約到出黎
晏晝傾左好耐去邊度吃野，得左好多答案都係決定唔
到....既然決定唔到就出到黎先算啦去到海運
泊好車最都係決定去 California pizza kitchen 食，
一來價錢唔算貴二來又未食過就試下啦，我地叫左一個
pizza, 一個沙律同埋意粉，味道都幾好可能我鍾意食芝
士啦個沙律同意粉都有好多芝士架~~好味。下次有機會
可以同 G5 去試下

酒會後奇遇

janet50480 — Sat, 01 Mar 2008 17:07:17 +0800

同蟲蟲慶祝完生日後，係朗記樓下
戲院隔離見到有隻好得意0既史納莎
真係好細隻好得意~ 成隻公仔咁

青葉 dinner

janet50480 — Fri, 29 Feb 2008 17:05:34 +0800

今晚同 grace 去左青葉吃 dinner
第一次吃~ 都尚算 ok 0既....不
過一定要 book 位...唔係就好多
人，同埋吃得兩個鐘人多就唔
好喇

吃完飯仲有戰利品 ~~ 呵呵~好耐無買0既羊仔

望下個袋~~望清楚個袋~

蘿蔔女友試粧記

janet50480 — Tue, 26 Feb 2008 19:46:38 +0800

今日蘿蔔女友試粧身為佢親密愛羊的我當然要去啦
難得去到尖咀又記得要買野就順手上左 forever 掃貨
買左一打潤唇膏、三支啫喱加一支美白精華
都差不多年幾兩年無去買過野喇~次次買親野都要
買夠 $500 先得麻鬼煩每次買親野都要上倉
咁可以用足年幾兩年.......買完野就同女友同埋佢男
友出發，去到唯美因為有少少出錯女友無得試粧惟
有hold左幾件衫等遲d試衫啦。搞晒其他野我地三人
諗住食韓燒點知女友家人急call去睇樓即刻要
搭的士回大角咀，回到去搞左一輪都係白撞~ hahaha
睇樓完畢終於可以去吃飯喇....肚仔餓到扁左
去到瓊華周生生時女友話要睇結婚介指，嘩
原來一隻介指仔都要成萬幾蚊架算啦....我都
係得個睇字架喇.....一睇之下成十點先有野吃....上到
韓燒未座定女友以經開始拎野食，一輪沖鋒肚仔飽
飽喇今餐真係要多謝蘿蔔男友呀

08 年第一次返崇拜

janet50480 — Sun, 24 Feb 2008 22:38:37 +0800

08 年都過左兩個月終於返左第一次崇拜喇~ haha
平時都因為我懶唔願起身所以無返到...希望可以 keep 繼
續返啦

完左教會就去左做 facial 今次個阿嬸好似當我無感覺咁....
係咁好大力幫我清 d 粒粒....痛到標眼水呀

今日係媽咪正日生日當然要幫下佢手整野啦我
整左碟茄汁蝦~ 第一次整 d 味都 ok 架

無奈

janet50480 — Fri, 22 Feb 2008 00:33:45 +0800

唉....個個 fd 都話要結婚，我就仲係一個人
其實最恨嫁個人係我丫~ 最遲一個又會係我呢？

我幾時先會搵到我0既真命天子呢.....

今日同嫲嫲個表妹又帶埋個男友出黎晒

~~寶寶牧場~~